Mì son sentimentale finn-a fondo
e fasso l’eujo comme o pappê de strassa:
son innamoòò de Zena ciù da mondo,
ma ho un ballin ti ta testa: o l’è o fugassa.
E’ più forte di me, mì me-o confesso!
Scioa co-oa croco e co-a sâ a man bassa,
l’oexin ben vonto, o mëzo bello spesso!
o mae Micchê a l’è lê: santa fugassa!
O mâ o m’incanta, o segge bollezumme,
faeto de moixi o ciatto pe-a bonassa,
anche se a votte o sa de refrescumme
( a spussa dell’erzillio) ma a fugassa!
Il grattacielo! ? è bello da vedere;
e De Ferrari! ? ‘na gran bella ciassa;
Scuaja, Cannetto, Righi, Belvedere…
cöse pe-i euggi! Ma pensae, a fugassa!
Me l’asseunno de neutte, e poi m’adescio
che perdo e bave comme ‘na lumassa.
Chi ha coraggio me dighe che son nescio.
Mi ghe diggo de scì, e tetto fugassa.
E vi dirò di più, fò paragoni
con l’amigo do tacco ch’o strombassa,
quello che fa le pizze co-i calzoni.
Duxento pisse non fan unna fugassa!
E se diggo fugassa e diggo tutte,
no fasso distinsion tra magra, grassa,
co-o formaggio, co-a çioula: Bocche mutte!
pe mì va tutto ben s’a l’è fugassa.
Dommo a Milan, Venezia con San Marco,
Lanterna a Zena, Savonn-a a Campanassa,
San Remmo o zeugo, ä Spezza l’Arsenâ
e mì in scio stemma veuggio ‘na fugassa.
Mi son sentimentale e me commeuvo
s’a l’è co-a çioula e brindo con vinassa
s’a l’ha o formaggio. Ma de taxei l’è leugo.
Chiedo vegna. Son quello da fugassa.
